Lukas 22

I Yudas Misadya Nyerahang Hyang Yesus

Ritatkala rarainan Roti Tanpa Ragi, sane pada kaucap rarainan Paskah sampun nampek, 2 para lan para agama Yahudi sangkep, indik punapi carane mangda sida ngamademang Hyang Yesus. Ipun ngilidang rencanannyane krana jejeh kapining anake akeh.

3 Wenten asiki saking makaroras para utusan Hyang Yesuse sane mapesengan I Yudas Iskariot. Duk punika ipun kakuasain olih para setan. 4 Paindikane punika mawinan I Yudas luas ka para pemimpin rsine lan para kelian tukang jaga Genah Agung Mabakti ring Sang Hyang Pengardi. Irika, I Yudas jagi mapitungan indik punapi carane nyerahang Hyang Yesus. 5 Para pemimpin lan para keliane punika pada lega pisan tur majanji jagi ngicen jinah ring ipun. 6 Duk punika I Yudas misadya nyerahang Hyang Yesus ring para pemimpine punika. Raris ipun ngrereh galah sane silib mangda nenten kauningin olih anake akeh.

Pidabdab Rarainan Paskah

7 Ring rahina rarainan Roti Tanpa Ragi, irika Bangsa musti nampah panak biri-biri mangda kadadosang ajengan rarainan Paskah. 8 Punika mawinan Hyang Yesus mrentahang I Petrus sareng I Yohanes sapuniki, “Kemu ja dabdabang dadaaran anggon iraga marainan Paskah.”

9 Raris I Petrus sareng I Yohanes matur sapuniki, “Ring dijake Guru mapikayun mangda dabdabang titiang?”

10 Hyang Yesus nyaurin sapuniki, “Ritatkala ragane macelep ka kota, ragane lakar kacunduk ajak anak muani ane sedek ngaba jun misi yeh. Tugtug ja anake ento ka umah ane celepina, 11 tur orahang tekening ane ngelahang umahe ento kene, ‘Guru mataken: Ring dijake Tiang sareng para sisian Tiange ngajeng tatkala rarainan Paskahe?’ 12 Anake ane ngelahang umahe ento bakal mitujuhin kamar ane linggah di baduur, ane suba jangkep misi prabot. Dabdabang ja ditu.”

13 Raris I Petrus sareng I Yohanes mamargi ka kotane punika tur makasami kapanggihin sekadi sane kanikayang olih Hyang Yesus. Tur ipun nabdabang ajengan rarainan Paskahe.

Pinget indik Paskah

14 Ritatkala sampun rauh galahe jagi ngajeng ajengan rarainan Paskah, Hyang Yesus malinggih ngajeng kasarengin Idane.

15 Irika raris Hyang Yesus ngandika sapuniki, “Uling pidan Tiang meled sajan naar dadaaran Paskahe bareng-bareng ajak ragane satondene Tiang kasiksa. 16 Apa kranane keto? Padingehang ja Tiang! Tiang tusing ja bakal naar buin dadaaran Paskahe ene kanti artin Paskahe sujati mamargi. Tatkala ento seken mamrentah dadi di jagate.”

17 Raris Hyang Yesus ngambil cawan sane madaging anggur saha ngaturang penyuksma ring Sang Hyang Pengardi. Raris Ida ngandika ring para utusan Idane sapuniki, “Jemak ja cawane ene tur edum-edumang ja. 18 Padingehang ja Tiang: uling jani, Tiang tusing ja bakal nginum buin anggure ene kanti Sang Hyang Pengardi seken mamrentah dadi Raja di jagate.”

19 Raris Hyang Yesus ngambil roti, tur Ida ngaturang penyuksma ring Sang Hyang Pengardi. Ida ngompes-ngompes roti punika tur Ida ngicenin ring para utusan Idane saha ngandika sapuniki, “Rotine ene ngambarang awak Tiange ane kapicayang sid ragane; laksanayang ja ene apanga dadi pinget unduk Tiange.” 20 Kenten pada sasampune wusan ngajeng, Ida ngicen cawan sane madaging anggur saha ngandika sapuniki, “Anggure ene satmaka getih Tiange ane bakal kabriokang buat ragane. Getih Tiange ento bakal dadi janji anyar saking Sang Hyang Pengardi.”

21 “Sakewala iwasin ja! Anake ane nyerahang Tiang ada dini negak madaar bareng-bareng di mejane ene. 22 Sawireh Tiang, Sang Putraning Manusa, musti kapademang manut pikayunan Sang Hyang Pengardine; sakewala sengkala ja anake ane nyerahang Tiang!” 23 Punika mawinan para utusane saling mataken, sapa sirake saking ipun sami sane jagi malaksana sekadi kanikayang Ida.

Kaagungan sane Sujati

24 Sasampune kenten, para utusan marebat indik sapa sirake saking ipun sami sane pinih utama. 25 Punika mawinan Hyang Yesus ngandika ring para utusane sapuniki, “Para raja nyajah panjaknyane. Tur para penguasane nunden panjaknyane nyambatang ipun ‘tedung panjak’. 26 Sakewala ragane tusing dadi malaksana buka keto. Anake ane paling utama uling ragane sapatutne dadi buka panjak, tur anake ane dadi pemimpin sapatutne dadi buka pengayah. 27 Cenke ane utama: anake ane negak madaar utawi anake ane ngayahin? Pastika anake ane negak madaar ento. Sakewala Tiang ada bareng-bareng ajak ragane buka pengayah.

28 “Ragane tetep satya tekening Tiang tatkala Tiang nyalanin pakeweh. 29 Ane jani Tiang ngicen ragane kuasa apanga mamrentah sareng Tiang, buka sampun ngicenin kuasa tekening Tiang apanga mamrentah dadi Raja. 30 Nah ditu ragane bakal madaar lan nginem bareng-bareng ajak Tiang di Karajaan Tiange. Keto masih ragane suang-suang pada bakal negak di singasanane apanga mamrentah makaroras soroh Bangsa Israele.”

Sisian Hyang Yesuse jagi Kapintonin

31 Raris Hyang Yesus ngandika ring I Simon Petrus sapuniki, “Simon, Simon! Padingehang ja! Ratun para setan nagih mintonin ragane makejang apanga malasang ragane uling Tiang, buka anak napinin . 32 Sakewala Tiang suba nunas ica apanga Simon tetep pracaya kapining Tiang. Tur yen suba Simon mabalik inget teken raga, tulungin ja nyaman-nyamane apanga kukuh kapracayanne.”

33 Irika raris I Petrus matur sapuniki, “Ratu, titiang bani kakrangkeng ring buine lan padem sareng-sareng Iratu!”

34 Nanging Hyang Yesus nyaurin sapuniki, “Petrus, padingehang ja Tiang! Nyanan, satonden siape makruyuk, ragane suba ping telu tusing ngaku yening ragane nawang Tiang.”

35 Raris Hyang Yesus ngandika ring para utusane sapuniki, “Ritatkala ipidan Tiang ngutus ragane ngabarang , Tiang tusing maang ragane ngaba apa-apa buka dompet, tas muah sandal. Adake ragane kuangan apa-apa?”

Tur para utusane makasami matur, “Nenten!”

36 Malih Hyang Yesus nglanturang ngandika sapuniki, “Sakewala jani nyen ja ane ngelah dompet wiadin tas, aba ja, krana ragane lakar nerima pakeweh! Tur nyen ja ane tusing ngelah pedang, adep ja baju angete anggon meli pedang. 37 Krana di suba katulisang unduk Tiang buka kene, ‘Anake punika jagi kaanggep parampok lan anak jaat.’ (Yesaya 53:12) Padingehang ja Tiang! Makejang ane katulisang unduk Tiange ento sedek mamargi jani.”

38 Raris para utusan matur sapuniki, “Cingak ja, iriki wenten pedang kalih.”

Hyang Yesus nyaurin, “Nah, suud monto ngraosang unduke ento.”

Hyang Yesus Mabakti ring Bukit Saitun

39 Sasampune wusan ngajeng ring wengine punika, Hyang Yesus matilar saking kotane raris luas nuju Bukit Saitun sekadi biasane. Para sisian Idane pada nyarengin Ida. 40 Sasampune rauh ring bukite, Hyang Yesus raris ngandika sekadi puniki, “Mabakti ja rikala gegodane teka apanga ragane makejang tusing malaksana .”

41 Raris Hyang Yesus ngadohang raga kirang langkung tigang dasa meter adohnyane saking para sisian Idane tur Ida matimpuh mabakti saha matur sapuniki, 42 “Inggih Ajin Titiang, yening dados tunas Titiang adohang ja kasengsarane sane musti tampi Titiang. Nanging sampunang ja manut kayun Titiange, sakewala mamargi ja manut pikayunan Aji.” 43 Raris wenten rauh mangda nguatang Hyang Yesus. 44 Irika malih Ida mabakti antuk manah sane sujati duaning kalintang baat kasengsarane. Tur peluh Idane sekadi getih sane ngetel ka tanahe.

45 Sasampune Hyang Yesus wusan mabakti, Ida raris mawali ring para sisian Idane. Ida manggihin para sisiane sedek sirep krana sebet kenehnyane. 46 Raris Hyang Yesus mangunin para sisiane sapuniki, “Adike ragane makejang tusing mabakti nanging sirep? Bangun ja tur mabakti rikala gegodane ento teka, apanga ragane makejang tusing malaksana dosa.”

Hyang Yesus Kaejuk

47 Duk Hyang Yesus kari mawicara, rauh para pemimpin rsine, para penglingsir anak Yahudine sareng para pemimpin tukang jaga Genah Agung Mabaktine. Sekane punika kapimpin olih I Yudas, inggih punika salah tunggal anak saking roras utusan Idane. Ipun sane sampun karangsukin ratun para setane tunian. Ipun raris nampekin saha niman Hyang Yesus mangda Ida sane kaejuk.

Gambar: Hyang Yesus kaejuk (22:47)

48 Nanging Ida ngandika sapuniki, “Wih Yudas, apake ragane niman Tiang, Sang Putraning Manusa, mangdane Tiang kaserahang?”

49 Ritatkala para sisian Hyang Yesuse nyingakin Ida jagi kaejuk, raris ipun matur sapuniki, “Ratu, napike titiang sami patut nglawan nganggen pedang?” 50 Raris wenten asiki saking sisiane nyepeg kuping tengawan pengayah penglingsir agunge kantos pegat.

51 Nanging Hyang Yesus ngandika sapuniki, “Suud ja!” Raris Ida ngusud kuping pengayahe punika tur kasegerin sekadi jati mula.

52 Sekane punika rauh mrika jagi ngejuk Hyang Yesus. Raris Ida ngandika ring ipun sami sapuniki, “Napike Tiang niki parampok, kantos jerone mriki makta pedang lan pentong jagi ngejuk Tiang? 53 Sebilang dina Tiang sareng-sareng jerone ring Genah Agung Mabakti ring Sang Hyang Pengardi, nanging jerone nenten ngejuk Tiang. Sakewala mangkin jerone mresidayang malaksana sekadi puniki krana ratun petenge kicen galah ngamel kuasa.”

I Petrus Nenten Ngaku Uning Hyang Yesus

54 Raris Hyang Yesus kaejuk lan kabakta ka jeron rsi penglingsir agunge. Duk punika I Petrus nugtug saking adoh. 55 Ritatkala rauh ring natah jeron rsi penglingsir agunge punika, anake akeh ngiterin api sane ipun karyanin mangda sida kaanggen ngangetang raga. Irika I Petrus malinggih sareng anake akeh punika. 56 Raris wenten anak istri sane dados pengayah irika nyingakin I Petrus sane sedek malinggih nampek apine. Anake istri punika nlektekin ipun saha ngraos, “Iwawu anake puniki wenten sareng-sareng Yesus!”

57 Nanging I Petrus nenten ja ngaku saha ngraos sapuniki, “Tiang nenten ja uning sapa sirake Anake punika.”

58 Raris wenten pada anak lianan nyingakin I Petrus saha ngraos, “Ragane pada sane nyarengin Yesus.”

Nanging I Petrus nyaurin sapuniki, “Jero, boya ja tiang.”

59 Kirang langkung malih ajam, wenten pada anak lianan malih ngraos banggras sapuniki, “Tuah yakti anake puniki pengiring Yesus, krana ipun taler saking Galilea.”

60 Nanging I Petrus nyaurin sapuniki, “Nenten, tiang nenten uning napi sane tuturang jerone.” Duk punika, tatkala I Petrus sedek ngraos sapunika, siape makruyuk. 61 Raris Hyang Yesus marep kuri nyingakin I Petrus. Irika ipun inget indik Hyang Yesus sampun ngandika sapuniki, “Nyanan satonden siape makruyuk, ragane suba ping telu tusing ngaku yening ragane nawang Tiang.” 62 Raris I Petrus medal saking natah rsi penglingsir agunge tur nangis sigsigan.

Hyang Yesus Kajagurin tur Kabatbat

63 Kaceritayang mangkin, anake sami sane nyaga Hyang Yesus ngewerin lan nyagurin Ida. 64 Para penjagane punika nekepin penyingakan Hyang Yesuse saha ngraos sapuniki, “Yen saja Awake Sang Hyang Pengardi, orahang ja nyen ane nyagurin Awake?” 65 Tur akeh malih sasambatan sane degag kaanggen matbat Hyang Yesus.

Hyang Yesus Kaadilin

66 Ritatkala semengan, para pemimpin Yahudine, para pemimpin rsine lan para guru agama Yahudine pada mapunduh. Raris Hyang Yesus kabakta ka arepan Yahudine. 67 Ipun sami mataken sapuniki, “Orahang ja kapining tiang sami: apake ragane ene sane Kajanjiang olih Sang Hyang Pengardi?”

Hyang Yesus nyaurin sapuniki, “Yening Tiang ngorahang kapining jerone, jerone tetep nenten pracaya. 68 Turmaning yening Tiang mataken kapining jerone, jerone pada nenten masaur. 69 Nanging ngawit mangkin, Titiang, Sang Putraning Manusa, jagi malinggih ring tengawan Sang Hyang Pengardi Sane Maha Kuasa.”

70 Raris ipun sami mataken sapuniki, “Yening keto, apake ragane Putran Sang Hyang Pengardi?”

Hyang Yesus nyaurin malih sapuniki, “Inggih, jerone sane ngorahang Tiang, Putran Sang Hyang Pengardi.”

71 Malih ipun sami ngraos, “Iraga nenten malih perlu saksi! Raosne padidi dadi bukti ia pelih!”

Penuntun mabligbagan ring pasamuan:

1. Ngaturang penyuksma.

“Ngiring ja iraga ngaturang suksma mangkin. Semeton jagi ngaturang suksma indik napi?”

2. Ceritayang ja pakeweh semetone suang-suang raris iraga saling tunas icayang.

“Napike semeton wenten pakeweh mangkin?”

3. Ngwacen utawi mirengin paplajahane puniki.

4. Saurin ja pitakenne puniki:

“Napi sane plajahin iraga indik Sang Hyang Tunggal ring ceritane puniki?”

“Napi sane plajahin iraga indik manusa saking ceritane puniki?”

“Sekadi napike sapatutne iraga nyalanang idup manut pengajahane puniki?”

“Kapining sirake sapatutne iraga nyeritayang malih ceritane puniki?”